Ապմային գագաթնաժողովի նախորդ օրվա ռազմավարական քննարկումներին հաջորդեց տեխնոլոգիական խորքային բլոկը։

Մասնավորապես՝ անդրադարձ կատարվեց ամպային վերափոխման գործնական շրջանակին՝ այն համակարգերին, պաշտպանության միջոցներին և ենթակառուցվածքներին, որոնք կապահովեն անվտանգ և ժամանակակից թվային պետության զարգացումը։

Մասնակիցները քննարկեցին հետևյալ թեմաները՝

• Հիբրիդային ամպային տեխնոլոգիան՝ որպես հուսալի և ճկուն թվային կառավարման հենասյուն
• Կառավարման ամպային հարթակների անվտանգությունը և կիբեռանվտանգության գործառույթների կազմակերպումը
• Ամպային լուծումների ձեռքբերման գործընթացներն ու դրանց հասանելիության ապահովումը
  
  Ամպային վերափոխումը Հայաստանի թվային ապագայի հիմնարար ուղին է՝ քաղաքականությունից մինչև ապահով տեխնոլոգիական լուծումներ։