Հայաստանը մուտք է գործում թվային վերափոխման կարևորագույն փուլ։

Մեկնարկեց ապմային գագաթնաժողովը, որը միավորում է պետական գերատեսչությունների ղեկավարների, քաղաքականություն մշակողների, մասնավոր ընկերությունների, տեղական ու միջազգային մի շարք գործընկերների։

Նպատակը մեկն է․ քննարկել, նախագծել և կատարելագործել Հայաստանի ամպային տեխնոլոգիաները։

Միջոցառման առաջին օրը մասնակիցների ուշադրության կենտրոնում էին ռազմավարական և քաղաքականության մշակմանն առնչվող հարցերը։

Մասնավորապես՝ քննարկվեցին․

• Ամպային տեխնոլոգիաների ազդեցությունը տնտեսության զարգացման և պետական կառավարման արդյունավետության վրա

• Ամպային տեխնոլոգիաների կիրառումը՝ որպես տվյալահեն պետական համակարգի  և արհեստական բանականության զարգացման հենասյուն

• Ինչպես է իրականացվող քաղաքականությունն օգնում հաղթահարել անվտանգության և թվային ինքնիշխանությանն ուղղված մարտահրավերները

• Ամպային ռազմավարությունների կիրառության հաջողված փորձը

Միջոցառումը կազմակերպվել է ՀՀ բարձր տեխնոլոգիական արդյունաբերության նախարարության, Հայաստանի տեղեկատվական համակարգերի գործակալության և Համաշխարհային բանկի սերտ համագործակցությամբ։

Հայաստանի արդի թվային պետության հիմքը կարող է ստեղծվել համատեղ ուժերով․  այսօր կատարվեց ևս մեկ նշանակալի քայլ՝ կյանքի կոչելու այս նպատակը։