Շուկայի նախնական ուսումնասիրության նպատակն է ստանալ մասնավոր հատվածի գործնական կարծիքները, առաջարկները և աջակցությունը՝ վավերացնելու վերօգտագործվող բաղադրիչների նախնական նախագծերի համար առաջարկվող մոտեցումը՝ նախքան գնումների և իրականացման փուլերին անցնելը։ 

Բաղադրիչների նախնական փաթեթի համար հրապարակվել են Տեխնիկական առաջադրանքների (Terms of Reference, TOR) նախագծերը։ Յուրաքանչյուր ՏԱ ներառում է մատակարարի կողմից պատասխան ներկայացնելու հարցում։ 

Մատակարարներին առաջարկվում է ուսումնասիրել համապատասխան նյութերը և ներկայացնել իրենց պատասխանները մինչև 2026 թվականի սեպտեմբերի 30-ը։ 

Պատասխանը կօգնի վավերացնել առաջարկվող մոտեցումը և բացահայտել իրականացման վերաբերյալ գործնական նկատառումները՝ ներառյալ տեխնիկական իրագործելիությունը, մատակարարման մոտեցումը (delivery approach), սպասարկումն ու աջակցությունը (maintenance and support), թիմի կարողությունները, համապատասխան փորձը և առաջարկությունները։ 

Խնդրում ենք նկատի ունենալ, որ սույն հայտարարությունը չի հանդիսանում մրցույթի հայտարարություն, առաջարկ ներկայացնելու հրավեր կամ որևէ իրավական կամ ֆինանսական պարտավորություն ստեղծող փաստաթուղթ։ Տրամադրվող տեղեկատվությունը կօգտագործվի բացառապես ներքին վերլուծության, պահանջների հստակեցման և ծրագրի նախապատրաստման նպատակներով և չի կարող ազդել ապագայում հնարավոր մրցութային գործընթացներին մասնակցելու իրավունքների վրա։  

Նախնական փաթեթը ներառում է՝ 

• Հավելվածի ծրագրային միջերեսի ինտեգրացիա / API Integration
• Աուդիտ և գործողությունների պատմություն / Audit & Activity History
• Ծանուցում / Notification
• Դիմումների և կառավարման շրջանակ / Application & Case Management Framework
• Փաստաթղթերի վերբեռնման և կցման շրջանակ / Document Upload & Attachment Framework
• Օգտատերերի և հասանելիության կառավարման շրջանակ / User & Access Administration Framework

Մանրամասն շրջանակը, պահանջները և ակնկալվող արդյունքները (deliverables) ներկայացված են համապատասխան նախագծերի Տեխնիկական առաջադրանքներում և տեխնիկական բնութագրերում։ 

Նախնական փաթեթի նպատակն է ձևավորել վերօգտագործվող բաղադրիչների էկոհամակարգի առաջին հիմքը։ Հետագայում կարող են ներդրվել լրացուցիչ բաղադրիչներ՝ ընդհանուր նոր կարիքների բացահայտմանը զուգընթաց։ 

Մատակարարներին առաջարկվում է նշել իրենց կազմակերպության կամ առաջարկվող թիմի կողմից առկա «Mendix»-ի հավաստագրերը։ 

Այս փուլում «Mendix»-ի հավաստագրումը պարտադիր պահանջ չէ։ Այս տեղեկատվությունը պահանջվում է՝ շուկայում ներկա կարողությունների և փորձի մակարդակը գնահատելու նպատակով։ 

Շուկայի ընթացիկ նախնական ուսումնասիրության գործընթացը նախատեսվում է ավարտել 2026 թվականի սեպտեմբերին։ Այնուհետև՝ մինչև 2026 թվականի հոկտեմբեր, կմեկնարկի վերօգտագործվող բաղադրիչների նախագծերի գնումների գործընթացը։ 

Վերօգտագործվող բաղադրիչների մատակարարումը նախատեսվում է իրականացնել առաջիկա 6 ամիսների ընթացքում։ 

«Mendix»-ի վրա հիմնված ընթացիկ նախագծերի համար մշակված վերօգտագործվող բաղադրիչները նախատեսվում է հրապարակել և կառավարել սահմանված մասնավոր «Mendix» բաղադրիչների ձեռքբերման հարթակի (Marketplace) միջոցով։ 

Բաղադրիչները պետք է փաթեթավորվեն և փաստաթղթավորվեն այնպես, որ մշակող թիմերը կարողանան ինքնուրույն հասկանալ, կարգավորել, կիրառել և սպասարկել դրանք։ 

Փաթեթավորման, փաստաթղթավորման, տարբերակավորման (versioning), հրապարակման և թողարկումների կառավարման (release management) մանրամասն պահանջները ներկայացված են համապատասխան նախագծերի Տեխնիկական առաջադրանքներում և հետագայում լրացուցիչ կսահմանվեն ցածր կոդավորմամբ/առանց կոդավորման կիրառելի մշակման և կառավարման ստանդարտների միջոցով։ 

Նախաձեռնության շրջանակում մշակված վերօգտագործվող բաղադրիչները պատկանում են Տեղեկատվական համակարգերի կարգավորման հանձնաժողովին։ 

Ցածր կոդավորմամբ/առանց կոդավորման մշակման և կառավարման ստանդարտները կհրապարակվեն հաջորդիվ։ 

Ստանդարտները կներառեն անվանակոչման, բաղադրիչների կառուցվածքի, փաստաթղթավորման, անվտանգության, փորձարկման, տարբերակավորման (versioning), հրապարակման և կենսացիկլի կառավարման (lifecycle management) ուղղությունները։ 

«Mendix»-ի վրա հիմնված ընթացիկ նախագծերի համար, նախքան նախաձեռնության մակարդակով առավել մանրամասն ստանդարտների հրապարակումը, կիրառելի դեպքերում պետք է հետևել «Mendix»-ի պաշտոնական ուղեցույցներին, անվանակոչման կանոններին (naming conventions) և միջազգային լավագույն փորձին։ 

Կախված է տվյալ բաղադրիչի նպատակից և սահմանված շրջանակից։ 

Այն դեպքերում, երբ նախատեսված վերօգտագործվող հնարավորությունն ապահովելու համար անհրաժեշտ է «front-end» գործառույթ, համապատասխան օգտատիրոջ միջերեսի տարրերը կարող են կազմվել բաղադրիչի մաս։ Հիմնականում «backend» կամ ինտեգրման հնարավորությունների վրա կենտրոնացած բաղադրիչները կարող են ունենալ օգտատիրոջ միջերեսի առավել սահմանափակ պահանջներ։ 

Յուրաքանչյուր բաղադրիչի գործառնական և օգտատիրոջ միջերեսի շրջանակը որոշելու նպատակով համապատասխան նախագծի Տեխնիկական առաջադրանքը և տեխնիկական բնութագիրը պետք է դիտարկվեն որպես հիմնարար հղում։

Այո՛, «Mendix Marketplace»-ից կամ այլ վստահելի աղբյուրներից առկա բաղադրիչները կարող են դիտարկվել, եթե դրանք համապատասխանում են նախատեսված կիրառման դեպքերին (use case)։

Առկա բաղադրիչի օգտագործումը չի վերացնում կիրառելի ճարտարապետական, անվտանգային, մշակման և կառավարման պահանջներին համապատասխանելու անհրաժեշտությունը։ 

Ցանկացած երրորդ կողմի բաղադրիչի տարբերակը և կախվածությունները (dependencies) պետք է փաստաթղթավորվեն։ 

Նախքան «Mendix»-ի կամ երրորդ կողմի բաղադրիչի թարմացումը, համատեղելիությունը պետք է վերագնահատվի և փորձարկվի՝ հաստատելու բաղադրիչի գործառնական ճշգրտությունը։ 

Երրորդ կողմի կախվածությունների երկարաժամկետ սպասարկման, աջակցության և պատասխանատվության վերաբերյալ առավել մանրամասն պահանջները կսահմանվեն կիրառելի կառավարման և կենսացիկլի ստանդարտների միջոցով։

Նախագծերի Տեխնիկական առաջադրանքները նախատեսում են, որ վերօգտագործվող բաղադրիչները պետք է ցուցադրվեն աշխատող հավելվածում և ներառեն բավարար օժանդակ նյութեր, որպեսզի մյուս թիմերի համար լինեն հասկանալի և կիրառելի։ 

Վերօգտագործվող բաղադրիչների յուրաքանչյուր նախագիծ սկզբնական շրջանում կարող է օգտագործել իր սեփական ցուցադրական կամ ձևանմուշային հավելվածը։ 

Նախագծերի զարգացմանը զուգընթաց կարող են բացահայտվել ընդհանուր մոտեցումներ և միավորվել ընդհանուր ձևանմուշային հավելվածի (shared sample application) կամ վերօգտագործվող ձևանմուշի (reusable template) մեջ՝ ցածր կոդավորմամբ/առանց կոդավորման հետագա նախագծերի համար։ 

«Mendix»-ը հնարավորություն է տալիս հավելվածների ներքին (locally) մշակումն ու գործարկումը՝ թույլ տալով, որ մշակումն ու փորձարկումն իրականացվեն մշակողի ներքին միջավայրում։ 

Նախաարտադրական (staging) և արտադրական (production) միջավայրերը տրամադրված են և պատրաստ են օգտագործման։ 

«Mendix»-ը տրամադրում է մշակման, տեղակայման (deployment) և հավելվածների մատակարարման (application delivery) համար անհրաժեշտ գործիքներն ու հարթակի հնարավորությունները։ 

Մանրամասն տեղեկատվության համար կարող եք դիմել «Mendix Knowledge Base / Documentation»-ին։

Սպասարկման, աջակցության և կիրառման ծառայության մակարդակի համաձայնագրերի պահանջները կկազմեն վերօգտագործվող բաղադրիչների նախագծերի պայմանագրերի մաս։ 

Համապատասխան պայմանագրերով կսահմանվեն շարունակական սպասարկման, աջակցության, խնդիրների լուծման, թարմացումների, համատեղելիության և համաձայնեցված ծառայության մակարդակների պատասխանատվությունները։ 

Կենսացիկլի և կառավարման հետագա պահանջները կսահմանվեն վերօգտագործվող բաղադրիչների էկոհամակարգի զարգացմանը զուգընթաց։ 

Հարցերի դեպքում կարող եք կապ հաստատել հետևյալ միջոցներով՝ 

• նախաձեռնությանը վերաբերող հարցերի դեպքում՝ astghik.ghevondyan@isaa.am, +374 43 276 730,

• տեխնիկական բնույթի հարցերի դեպքում՝ davit.aleksanyan@isaa.am, +374 93 754 539։