Տվյալների մասնատում և սիլոսներ – Պետական մարմինների ներսում տվյալների տարբեր համակարգերի գործունեությունը հանգեցրել է տվյալների մասնատման, ինչը խոչընդոտում է տեղեկատվության անխափան հոսքին և կառավարության կարողությանը՝ օգտագործելու տվյալները արդյունավետ քաղաքականության մշակման և ծառայությունների մատուցման համար:

Փոխգործելիության հրամայական – Այսօր կառավարության տվյալների բազաների միջև անխափան փոխգործելիության պահանջն ավելի հրատապ է, քան երբևէ: Տվյալների փոխանակման գործընթացների պարզեցումը կարևոր է վարչական արդյունավետության բարձրացման, ծառայությունների մատուցման բարելավման և տնտեսության տարբեր ոլորտներում նորարարությունների խթանման համար:

Կիբեռանվտանգության խնդիրներ – թվային միջավայրը լի է կիբեռանվտանգության սպառնալիքներով՝ սկսած վնասակար կիբերհարձակումներից մինչև տվյալների արտահոսք, ուստի տեղեկատվության ամբողջականության, գաղտնիության և մատչելիության ապահովումը առաջնային է: X-Road-ի ներդրումն ապահովում է կիբեռանվտանգության ամուր շրջանակ՝ ամրապնդելով Հայաստանի պաշտպանությունը զարգացող կիբեռ սպառնալիքներից:

Արդյունավետություն և թափանցիկություն – Հայաստանը ձգտում է բարձրացնել իր պետական կառավարման արդյունավետությունն ու թափանցիկությունը՝ մեծացնելով վստահությունը պետական մարմինների նկատմամբ: Ներդնելով X-Road-ը` Հայաստանը կարող է պարզեցնել վարչական գործընթացները, նվազեցնել բյուրոկրատական քաշքշուքները և մեծացնել թափանցիկությունը տվյալների փոխանակման կենտրոնացված մեխանիզմների միջոցով:

Տվյալների համակարգված փոխանակում – Ազգային փոխգործելիության հարթակը կնպաստի տարբեր պետական գերատեսչությունների և կազմակերպությունների միջև տվյալների անխափան փոխանակմանը: Սա կհանգեցնի առավել հիմնավոր որոշումների կայացման և հանրային ծառայությունների բարելավմանը:

Ընդլայնված անվտանգություն – Ազգային փոխգործելիության հարթակն օգտագործում է անվտանգության առաջադեմ միջոցներ, ինչպիսիք են գաղտնագրումը, թվային ստորագրությունները և մուտքի վերահսկման մեխանիզմները՝ համակարգերի միջև փոխանակվող տվյալների գաղտնիությունը, ամբողջականությունը և իսկությունը ապահովելու համար: Ազգային փոխգործելիության հարթակի ներդրմամբ Հայաստանը կարող է ամրապնդել իր կիբեռանվտանգության ենթակառուցվածքը և պաշտպանել զգայուն տեղեկատվությունը չարտոնված մուտքից և կիբեռ սպառնալիքներից:

Ծախսային խնայողություններ – Ազգային փոխգործելիության հարթակի ներդրումը կարող է նպաստել ծախսերի զգալի խնայողությանը՝ օպտիմալացնելով ռեսուրսների օգտագործումը, նվազեցնելով մարդկային գործոնը տվյալների փոխանակման գործընթացում: Ազգային փոխգործելիության հարթակի պարզեցված գործընթացների շնորհիվ խնայված ֆինանսական ռեսուրսները կարող են հատկացվել այլ՝ առավել առաջնահերթ ոլորտներին:

• Դեկտեմբեր, 2024 թ․ – Պատրաստ կլինի փոխգործելիության հարթակի նախնական տարբերակը։
• Հունիս, 2025 թ․ – Հարթակն ամբողջությամբ կշահագործվի։