Հայաստանի թվային ճարտարապետությամբ անչափ կարևորվում է քաղաքացիներին մատուցվող ծառայությունների որակը և դրանց մատուցման միասնական մոտեցման պահպանումը։

Այս մոտեցման հիմնական գաղափարն այն է, որ ծառայությունները պետք է ստեղծվեն միասնական սկզբունքներով (ինչպես նախագծման, այնպես էլ որակի վերահսկման առումով), իսկ պետական մարմիններն իրենք պետք է հաշվետու և պատասխանատու լինեն իրենց մատուցած ծառայությունների համար:

Ծառայությունների մատուցման այս ապակենտրոնացված մոդելը Հայաստանին թույլ կտա ամրապնդել իր ինստիտուցիոնալ կարողությունները՝ քաղաքացիներին բարձրորակ հանրային ծառայություններ մատուցելու նպատակով:

Ծառայությունների մատուցման այս ապակենտրոնացված մոդելն իրագործելու համար Հայաստանի տեղեկատվական համակարգերի գործակալությունը ձևավորել է «Օգտատիրոջ փորձառության և ծառայությունների մատուցման» ուղղությունը, որի հիմնական նպատակներն են՝

• աջակցել պետական մարմիններին՝ մատուցելու բարձրորակ, մարդակենտրոն թվային ծառայություններ,
• աջակցել պետության մակարդակով օգտատերերի փորձառության այնպիսի ստանդարտների ներդրմանը (և հետագա մշակմանը), ինչպիսիք են «Ծառայությունների թվայնացման սկզբունքները» և «Հենակետ» պաշտոնական դիզայն-համակարգը,
• ստեղծել նոր ստանդարտներ՝ համագործակցելով ՀՀ կառավարության հետ,
• աջակցել պետական մարմիններին՝ իրենց ծառայությունները հասանելի դարձնելու հասարակության բոլոր շերտերին։

Ծառայությունների մատուցման և օգտատերերի փորձառության թիմը նաև աջակցում է Հայաստանի «Հանրային կառավարման բարեփոխումների» ռազմավարության իրագործմանը ծառայությունների մատուցման համատեքստում՝

• համակարգելով թվային փոխակերպման միջգերատեսչական պիլոտային նախագծերը՝ հիմնված կյանքի իրադարձությունների վրա (Տես՝ «Կյանքի իրադարձություններ». թվային բարեփոխումների պիլոտային նախագծեր)
• անհրաժեշտության դեպքում տրամադրելով աջակցություն թվայնացման նախագծերի իրագործմանը,
• ապահովելով գիտելիքների ու փորձի փոխանակումը պետական մարմիններում թվայնացման կարողությունների ձևավորման ուղղությամբ։

Օգտատերերի փորձառության և թվայնացման ստանդարտների միասնական մոտեցումների մասին լրացուցիչ տեղեկություններ ստանալու համար կարող եք այցելել «Թվայնացման ուղեցույցի» պաշտոնական կայք: