Նոյեմբերի 30-ին Բարձր տեխնոլոգիական արդյունաբերության նախարարության նախաձեռնությամբ կազմակերպվել է «Թվայնացի՛ր, Հայաստա՛ն» խորագրով աշխատաժողովը: Նպատակն է՝ նպաստել պետության եւ մասնավոր հատվածի միջեւ համագործակցությանզարգացմանը, վեր հանել առկա խնդիրները եւ առաջ բերել նոր լուծումներ։Միջոցառմանը բացման խոսքով հանդես է եկել Բարձր տեխնոլոգիական արդյունաբերության նախարար Մխիթար Հայրապետյանը։ Նախարարն անդրադարձել է հանրային ծառայությունների թվայնացմանն ուղղված աշխատանքների իրականացմանը, թվայնացման գործընթացների պարզեցմանն ու պետության-մասնավոր կապն ամրապնդելու անհրաժեշտությանը։Բարձր տեխնոլոգիական արդյունաբերության նախարարի առաջին տեղակալ Գևորգ Մանթաշյանն իր խոսքում կարեւորել է նման ձեւաչափով միջոցառումների անցկացումը, մասնավոր հատվածի ներկայացուցիչների հետ թվայնացվող գործընթացների շուրջ քննարկումներ կազմակերպելը, ինչպես նաեւ՝ համագործակցության ճանապարհային քարտեզի համատեղ մշակումը։Ֆինանսների նախարարի տեղակալ Ավագ Ավանեսյանը ներկայացրել է պետական գնումների քաղաքականության շուրջ Ֆինանսների նախարարության դիրքորոշումը՝ ընդգծելով թվային պայմանագրեր մշակելու տեսլականը։Թվային փոխակերպման օրակարգը ներկայացնելիս Գործակալության տնօրեն Ներսես Երիցյանը կարեւորել է մասնավոր հատվածի առաջամարտիկներին ներգրավելուանհրաժեշտությունը՝ թվայնացման գործընթացում համատեղ լավագույն լուծումների վերհանման եւ մշակման նպատակով։ Գործակալության տնօրենը նշել է նաեւ քաղաքացիներին մատուցվող ծառայությունների համատեքստում հետադարձ կապի մեխանիզմների ներդրումն ու շարունակական բարելավումը։Ներսես Երիցյանն անդրադարձել է նաեւ կիբեռանվտանգության ոլորտում կարողությունների հզորացման օրակարգին՝ նշելով «Թումո» ստեղծարար տեխնոլոգիաների կենտրոնի եւ GIZ-ի հետ համատեղ մեկնարկող ծրագիրը։Հայաստանի տեղեկատվական համակարգերի գործակալության UI/UX եւ թվային ծառայությունների ղեկավար Հարմիկ Ազարյանը ներկայացրել է «Կյանքի 12 իրադարձություններ» թվային բարեփոխումների նախագիծը։ Նախագծի շուրջ քննարկումների շրջանակում ընդգծվել է պետական գերատեսչությունների միջեւ համագործակցության կարեւորությունը, ինչպես նաեւ՝ նշյալ գործընթացների պարզեցման առաջնահերթությանպահպանումը քաղաքացիների համար։

Նոյեմբերի 19-22-ին Հայաստանի տեղեկատվական համակարգերիգործակալության պատվիրակությունն աշխատանքային այցով գտնվել էԷստոնիայում։Այցի շրջանակում Գործակալության ներկայացուցիչները նոյեմբերի 19-20-ին մասնակցել են Տալլինի Թվայնացման ամենամյա համաժողովին։Համաժողովն անցկացվում է 2017 թվականից սկսած եւ նպատակ ունիհամախմբել թվայնացման ոլորտում հաջողություններ գրանցածերկրների հանրային, մասնավոր հատվածների ներկայացուցիչներին,քաղաքականություն մշակողներին՝ քննարկելու ոլորտում գրանցվողզարգացումներն ու առկա մարտահրավերները։Համաժողովի շրջանակում նոյեմբերի 19-ին ՄԱԿ Տնտեսական եւսոցիալական հարցերով քարտուղարության կողմից կազմակերպվել է«Հանրային ծառայությունների թվայնացում. մարտահրավերներ եւհնարավորություններ զարգացող, դեպի ծով ելք չունեցող երկրներիհամար» թեմայով պանելային քննարկում։ Քննարկմանը որպես խոսնակմասնակցել է Գործակալության տնօրեն Ներսես Երիցյանը, ովներկայացրել է Հայաստանի թվայնացման օրակարգը, իրականացվածաշխատանքներն ու ընթացիկ նախագծերը՝ ընդգծելովկիբեռանվտանգության, տվյալների փոխգործելիության ուպաշտպանության ապահովման ազգային կարողություններիհզորացման կարեւորությունը։Միջոցառման շրջանակում նոյեմբերի 20-ին Գործակալության UX եւծառայությունների մատուցման ղեկավար Հարմիկ Ազարյանըներկայացրել է շնորհանդես՝ «hartak.am» ազգային ծառայություններիհարթակի, թվային փոխակերպման 12 «կյանքի իրադարձությունների»նախագծերի վերաբերյալ։Այցի շրջանակում հանդիպում է կայացել Էստոնիայի տեղեկատվակականհամակարգերի մարմնի (RIA) ներկայացուցիչների հետ՝ տեղումծանոթանալու թվայնացման ոլորտի առաջատարներից համարվողէստոնական փորձին, քննարկելու լավագույն փորձի տեղայնացմանհնարավորությունները։ Ի թիվս այլ նախագծերի, քննարկվել են “X - Road”փոխգործելիության հարթակին եւ թվային ազգային նույնականացմաննախագծին առնչվող հարցեր։ Այցի ընթացքում Գործակալության ներկայացուցիչները հանդիպել ենէստոնական գործընկեր “Proud engineers” ընկերությաններկայացուցիչների հետ։ Հանդիպմանը քննարկվել են ներկայիսհամագործակցության շրջանակում իրականացվող աշխատանքներն ուգրանցված առաջընթացը, համագործակցության հեռանկարները։Նոյեմբերի 21-22-ին հանդիպումներ են անցկացվել թվայնացման,տվյալների փոխգործելիության ոլորտներում գործունեություն ծավալողընկերությունների հետ, որտեղ վեր են հանվել պետություն-մասնավորհամագործակցության լավագույն օրինակները, քաղաքացիամետ,վստահելի ծառայությունների մշակման եւ ներդրման լավագույն փորձը,մասնավորապես՝ ներկայացվել են քաղաքացիներին մատուցվող թվայինծառայությունների գործընթացների օրինակներ։

Նոյեմբերի 5-ին կայացել է Հայաստանի ինտերնետ կառավարման թվով 9-րդ համաժողովը՝ ArmIGF-ը։ Միջոցառումն անցկացվել է «Կիբեռիրականություն և անվտանգ թվային ապագա» խորագրով։ Համաժողովը յուրահատուկ հարթակ է ոլորտի մասնագետների համար ներկայացնել և քննարկել ինտերնետ տիրույթի կառավարման և կիբեռանվտանգության առկա մարտահրավերները։ Միջոցառման շրջանակում կազմակերպվել են թեմատիկ պանելային քննարկումներ կիբեռանվտանգության, թվայնացման և անձնական տվյալների պաշտպանության վերաբերյալ։ Պանելային քննարկումներին որպես բանախոսներ հանդես են եկել Տեղեկատվական համակարգերի գործակալության կիբեռանվտանգության տնօրեն Շանթ Քասարդջյանը և գլխավոր իրավախորհրդատու Արթուր Սարգսյանը։ Շանթ Քասարդջյանը ներկայացրել է Գործակալության գործառույթների շրջանակը կրիտիկական ենթակառուցվածքների կիբեռանվտանգության ապահովման համատեքստում։ Վերջինս կարևորել է AM-CERT համակարգչային միջադեպերի արձագանքման ազգային թիմի գործունեությունը․ AM-CERT-ի առաքելությունն է ուսումնասիրել և համակարգել Հայաստանի ազգային կրիտիկական ենթակառուցվածքների կիբեռանվտանգության միջադեպերի արձագանքը։ Բանախոսն ընդգծել է պետություն-մասնավոր համագործակցության կարևորությունը Հայաստանի թվային պաշտպանության ամրապնդման հարցում։ Բացի այդ, Շանթ Քասարդջյանն իր խոսքում անդրադարձել է Գործակալության կողմից որդեգրված քաղաքականությանը՝ ուսումնասիրելու և տեղայնացնելու ոլորտի միջազգային լավագույն փորձը։ Արթուր Սարգսյանն իր հերթին ներկայացրել է «Կիբեռանվտանգության մասին» և «Հանրային տեղեկությունների մասին» ՀՀ օրենքների նախագծերի մանրամասները։ Նա շեշտադրել է ոլորտը կարգավորող օրենսդրական նախաձեռնությունների անհրաժեշտությունը Հայաստանի թվային անվտանգության ապահովման հարցում։

Հոկտեմբերի 12-ին Երևանում կազմակերպվել է արհեստական բանականությանը նվիրված “AI Conf” համաժողովը։Համաժողովի շրջանակում տեղի է ունեցել «Արհեստական բանականությունը կառավարությունում» թեմայով պանելային քննարկում, որին որպես խոսնակ մասնակցել են Բարձր տեխնոլոգիական արդյունաբերության նախարարի տեղակալ Ռուբեն Սիմոնյանը, Էկոնոմիկայի նախարարի տեղակալ Սեւակ Միքայելյանը եւ Տեղեկատվական համակարգերի գործակալության տնօրեն Ներսես Երիցյանը։Գործակալության տնօրենն ընդգծել է արհեստական բանականության ազդեցությունն ու գործիքակազմերի ինտեգրման հնարավորությունները ստանդարտիզացված գործընթացներում, ինչպես նաև՝ ներկայացրել այն տարբեր գործընթացներում ներառելու տեսլականը։Անդրադարձ է կատարվել նաեւ արհեստական բանականության՝ Գործակալության կողմից կիրառվող գործիքակազմերին, որոնց նպատակն է թիմերի ներսում բարձրացնել արդյունավետությունն ու արտադրողականությունը։ Մասնավորապես, ներկայացվել է տվյալների կատալոգի որոնման համակարգը և տվյալների դասակարգման գործընթացները, որոնց շնորհիվ բարելավվել է տվյալների ճշգրտությունը՝ ապահովելով տվյալների կայուն որակ:Նշվել է նաև մշակման փուլում գտնվող Hartak.am Companion հավելվածը, որի գործարկմամբ քաղաքացիները պետության կողմից մատուցվող ծառայությունների վերաբերյալ իրենց հարցումներին կստանան պարզեցված պատասխաններ։

Digitec միջոցառման շրջանակում հոկտեմբերի 6-ին կայացել է «Թվայնացման ռազմավարությունների լավագույն փորձն աշխարհում և Հայաստանի ներկայիս գործողությունները» թեմայով պանելային քննարկում։ Քննարկմանը որպես խոսնակ հանդես է եկել Հայաստանի տեղեկատվական համակարգերի գործակալության տնօրեն Ներսես Երիցյանը։   Պարոն Երիցյանը ներկայացրել է Հայաստանի թվային ճարտարապետության գաղափարը և թվայնացման օրակարգը՝ առանձնացնելով առանցքային ուղղություններն ու նախաձեռնությունները։ Իր խոսքում Գործակալության տնօրենն ընդգծել է հիմնարար բարեփոխումների արդյունավետության կարևորությունը պետության կողմից քաղաքացիներին մատուցվող ծառայությունների համատեքստում։   Ընդգծվել է գործընթացների թվայնացման շրջանակում կիբեռանվտանգության ապահովման հիմնաքարային դերը։ Այս նպատակով ձևավորվել է AM-CERT միջադեպերի արձագանքման ազգային թիմը, որի առաքելությունն է ուսումնասիրել և համակարգել Հայաստանի ազգային կրիտիկական ենթակառուցվածքների կիբեռանվտանգության միջադեպերի արձագանքը։ Վերջինս ճանաչվել է և գործում է որպես կոնտակտային կետ կիբեռանվտանգության ոլորտում միջազգային համագործակցության համար։   Պանելային քննարկման ընթացքում ներկայացվել է նաև ոլորտի լավագույն փորձը, որի տեղայնացման ուղղությամբ Գործակալությունը համագործակցում է միջազգային առաջատար ընկերությունների հետ։   Պանելային քննարկմանը որպես խոսնակ մասնակցել են նաև ՀՀ ԿԲ Ֆինանսական համակարգի կայունության և կարգավորման դեպարտամենտի տնօրեն Գարեգին Գևորգյանը, Համաշխարհային բանկի և մասնավոր հատվածի ներկայացուցիչներ։

WCIT կոնգրեսի շրջանակում հոկտեմբերի 5-ին տեղի է ունեցել «Արհեստական բանականությունը որպես շարժիչ ուժ թվային կառավարման և թվային հասարակության վերափոխման համար» պանելային քննարկում։   Քննարկումը կազմակերպվել է Հայաստանի տեղեկատվական համակարգերի գործակալության կողմից Կենտրոնական բանկի և Բարձր տեխնոլոգիական արդյունաբերության նախարարության աջակցությամբ՝ հիմք ընդունելով Հայաստանի թվայնացման ռազմավարությունից բխող օրակարգի արդիականությունն ու կարևորությունը։   Միջոցառմանը մասնակցել են Հայաստանի և Դանիայի Թագավորության պետական կառավարման համակարգի, Համաշխարհային բանկի, ինչպես նաև՝ Էստոնիայի և Լատվիայի Հանրապետությունների մասնավոր հատվածի ներկայացուցիչներ։   Պանելային քննարկման շրջանակում ներկայացվել է արհեստական բանականության ներուժը թվային կառավարման փոխակերպման գործընթացում՝ կարևորելով ռիսկերի զսպման մեխանիզմների և գործիքակազմերի ներդնումը։ ՀՀ ԿԲ նախագահ Մարտին Գալստյանը ներկայացրել է արհեստական բանականության ներդրման հնարավորությունները և ռիսկերը ֆինանսական կայունության ապահովման համատեքստում։   Պանելային քննարկմանը էստոնական առաջատար “Proud engineers” ընկերության ներկայացուցիչը խոսել է Էստոնիայի փորձի մասին, որը ներկայումս հանդիսանում է ոլորտի առաջատար և Հայաստանի թվայնացման օրակարգի ձևավորման ուղեցույց։   Տեղեկատվական համակարգերի գործակալության UX և ծառայությունների մատուցման ղեկավար Հարմիկ Ազարյանն մոդերատորի իր խոսքում ընդգծել է արհեստական բանականության շոշափելի ազդեցությունը քաղաքացիներին մատուցվող ծառայությունների համատեքստում։

Հոկտեմբերի 4-7-ը Երևանում անցկացվող WCIT միջոցառման շրջանակում Հայաստանի Տեղեկատվական Համակարգերի Գործակալությունը Կենտրոնական բանկի և Բարձր տեխնոլոգիական արդյունաբերության նախարարության աջակցությամբ կազմակերպել է «Արհեստական բանականությունը և կիբեռանվտանգության ապագան․ գլոբալ մարտահրավերներ» թեմայով պանելային քննարկում։ Քննարկումներին մասնակցելու նպատակով Հայաստան են ժամանել ոլորտի միջազգային փորձագետներ ԱՄՆ-ից և Գերմանիայի Դաշնային Հանրապետությունից, ովքեր ներկայացրել են կիբեռանվտանգության ոլորտի միջազգային փորձը, առկա մարտահրավերները, ինչպես նաև՝ անդրադարձել են արհեստական բանականության զարգացմանը զուգահեռ գրանցվող համաշխարհային վերջին միտումներին։ Քննարկման ընթացքում ԲՏԱ նախարարի առաջին տեղակալ պարոն Գևորգ Մանթաշյանը ներկայացրել է Հայաստանի կառավարության կողմից ձեռնարկվող միջոցառումները, որոնք նպատակ ունեն երկրի տեխնոլոգիական ենթակառուցվածքները նախապատրաստել ազգային կիբեռանվտանգության ոլորտում արհեստական ​​բանականության կիրառմանը։ ՀՀ ԿԲ նախագահի տեղակալ պարոն Արմեն Նուրբեկյանը կարևորել է ֆինանսական ոլորտի հանդեպ աճող ռիսկերը մեղմելու համար նախատեսվող կարգավորող և գործառնական շրջանակների կիրառումը։ Գործակալության Կիբեռանվտանգության տնօրեն Շանթ Քասարջյանը մոդերատորի իր ամփոփիչ խոսքում կարևորել է կրիտիկական ենթակառուցվածքների պաշտպանության ոլորտում արհեստական բանականության ինտեգրման ռիսկերի կառավարումը։

Տեղեկատվական համակարգերի գործակալությունը և VISA-ն քննարկել են ծառայությունների թվայնացման հնարավորությունները   Տեղեկատվական համակարգերի գործակալության և VISA-ի կողմից համատեղ կազմակերպվել է «Կառավարության թվայնացման խթանումը Հայաստանում. Visa-ի համագործակցային մոտեցումը» թեմայով միջոցառում։ Միջոցառումը կազմակերպվել է Գործակալության և VISA-ի միջև ավելի վաղ ստորագրված փոխըմբռնման հուշագրի շրջանակում։ Հուշագրի ստորագրումը նպատակ ունի համատեղել երկու կողմերի ներուժը՝ նպաստելու Հայաստանում ծառայությունների թվայնացմանը։   Միջոցառման շրջանակում Գործակալության կողմից ներկայացվել է Հայաստանի թվայնացման օրակարգը, իրականացված աշխատանքները և տեսլականը։ Ի թիվս այլ հարցերի՝ Տեղեկատվական համակարգերի գործակալության UX և ծառայությունների մատուցման ղեկավար Հարմիկ Ազարյանն իր խոսքում անդրադարձել է նաև Ծառայությունների ազգային հարթակի մշակման աշխատանքներին՝ ներկայացնելով մեկ միասնական հարթակի միջոցով քաղաքացիների կողմից ստացվող համապարփակ տեղեկատվության կարևորությունը։   «Visa»-ն իր կողմից ներկայացրել է թվային վճարումների միջազգային լավագույն փորձը՝ ընդգծելով պետական ծառայությունների բարելավման և քաղաքացիների համար հարթ, անվտանգ և արդյունավետ փոխգործակցության ապահովման կարևորությունը։ Ներկայացումներին հետևել է պանելային քննարկում շահառու կազմակերպությունների մասնակցությամբ։ Քննարկումների ընթացքում անդրադարձ է կատարվել պետական վճարումների թվայնացման հնարավոր նոր լուծումներին։

Հուլիսի 23-25-ին Բարձր տեխնոլոգիական արդյունաբերության նախարարությունը, Կենտրոնական բանկը և Տեղեկատվական համակարգերի գործակալությունը “Google Mandiant” ընկերության հետ համատեղ կազմակերպել են «Միջադեպերի արձագանքման պատրաստականություն» թեմայով աշխատաժողով։ Աշխատաժողովի նպատակն է ներկայացնել և քննարկել Հայաստանում գործող պետական կառավարման մարմինների և մասնավոր հատվածի շահառու կազմակերպությունների կիբեռ խոցելիության մարտահրավերները, կիբեռ միջադեպերի արձագանքման ունակությունների բարձրացումը, ազգային կարողությունների զարգացումը, ինչպես նաև` միջազգային առաջատար փորձի տեղայնացման շրջանակը։

Մեր օրերում աշխարհն ավելի ու ավելի փոխկապակցված է դառնում, իսկ կապող օղակը տեխնոլոգիաներն են, որոնք ներթափանցել են մեր կյանքի բոլոր ոլորտներ։ Այս պարագայում կիբեռանվտանգության դերի թերագնահատումը կարող է ճակատագրական լինել ինչպես անհատի, այնպես էլ ողջ պետության համար։ Ուստի ֆիզիկական սահմաններին զուգահեռ՝ կարևոր է պաշտպանել նաև մեր երկրի «թվային սահմանները», իսկ պաշտպանը պետք է լինի մեզնից յուրաքանչյուրը։ Ի՞նչ է կիբեռանվտանգությունը Պարզ խոսքերով՝ կիբեռանվտանգությունը համացանցին միացված սարքերի, ծառայությունների ու տվյալների պաշտպանությունն է հարձակումներից։  Ինտերնետի գրեթե ակնթարթային հասանելիություն, խելացի տներ ու հեռախոսներ, ժամանակակից այլ սարքավորումներ թվում է, թե այս ամենը ստեղծված է մեր կյանքը հեշտացնելու համար և որևէ վտանգ չի կարող պարունակել։ Սակայն պարզվում է, որ պոտենցիալ սպառնալիքները թաքնված են այս սարքերից յուրաքանչյուրի ետևում։ Կիբեռ հանցագործությունների թվաքանակի կայուն աճը ևս վկայում է այն մասին, որ մեր կողմից ամեն օր օգտագործվող տեխնոլոգիաներն անվտանգ չեն և կարող են անդառնալի հետևանքների հանգեցնել։ Այլ կերպ ասած՝ կիբեռանվտանգությունը գործող համակարգերը, ցանցերը և ծրագրերը թվային հարձակումներից պաշտպանելու միջոցառումների ամբողջությունն է։ Այդ կիբեռ հարձակումները սովորաբար կատարվում են զգայուն տեղեկատվություն ձեռք բերելու, փոփոխելու կամ ոչնչացնելու, օգտատերերից գումարներ շորթելու, բիզնես գործընթացները խափանելու և նույնիսկ որևէ երկրի ազգային անվտանգությունը խաթարելու համար։ Կիբեռանվտանգության դերը մեր երկրում Հայաստանի պարագայում անչափ կարևոր է թվային ինքնիշխանության պահպանումը, քանի որ կիբեռ հարձակումները մեր օրերում լրտեսության ու պատերազմական գործողությունների հիմնական գործիքներից են և վտանգում են ազգային անվտանգությունը, ռազմական գաղտնիքների պահպանումն ու դիվանագիտական ​​հարաբերությունները: Կարևոր է գիտակցել, որ կիբեռանվտանգության համար պատասխանատու է մեզնից յուրաքանչյուրը՝ անկախ տեխնիկական փորձից կամ գիտելիքներից։ Յուրաքանչյուր քաղաքացի ինչպես որ պետք է զեկուցի երկրի ֆիզիկական սահմաններին կասկածելի գործողություններ նկատելու մասին, այնպես էլ պետք է պահպանի զգոնությունը թվային հարթակում։ Իսկ ի՞նչ է պետք անել դրա համար օգտագործեք բարդ գաղտնաբառեր,  ակտիվացրեք ինքնության հաստատման երկգործոն մեխանիզմը (two-factor authentication), որի դեպքում նոր սարքով ձեր հաշիվ մուտք գործելիս գաղտնաբառից բացի դուք պետք է մուտքագրեք նաև մեկանգամյա կոդ, որը տվյալ պահին կուղարկվի ձեզ, օգտվեք միայն հավաստի սկզբնաղբյուրներից,  զգուշորեն օգտվեք էլ փոստով կամ ցանկացած այլ եղանակով ստացված հաղորդագրություններից, զերծ մնացեք կասկածելի հղումները բացելուց, զգոն եղեք USB սարքավորումներով, SD քարտերով, CD-ներով կամ այլ միջոցներով տեղեկատվություն փոխանցելիս, հատկապես հեռավար աշխատանքի դեպքում խստորեն պահպանեք բոլոր կանոնները ձեր շարժական սարքերի վրա՝ դրանց կորստի կամ հափշտակման դեպքում զգայուն տեղեկատվության տարածման ռիսկերը հնարավորինս մեղմելու համար, զերծ մնացեք նաև անձնական համակարգիչներն աշխատանքային նպատակներով օգտագործելուց, որքան էլ դա հարմար լինի,  հեռավար աշխատելիս զգուշացեք հանրային wifi-ից, քանի որ շատ հաճախ այն կիրառվում է տեղեկատվություն կորզելու կամ ձեր սարքավորումներին վնաս հասցնելու համար: Այսպիսով, ավելի ու ավելի թվայնացվող աշխարհում կիբեռանվտանգությունը կենսական պահանջ է առանց բացառությունների։ Խնամքով և զգուշությամբ վերաբերվենք տարբեր տեխնոլոգիաների կիրառմանը, տվյալների փոխանցմանն ու պահպանմանը։ Մեր տվյալները մենք ենք։

Ապրիլի 3-ին կայացավ Doing Digital միջազգային ամենամյա ֆորումը՝ «Հնարավորություններին ընդառաջ» խորագրով։ Ֆորումի նպատակն էր միավորել թվայնացման ոլորտի առաջատարներին և ներկայացնել ֆինանսական և բիզնեսի տարբեր ուղղություններում թվային փոխակերպման վերջին մոտեցումները և առկա հնարավորությունները։ Հայաստանի տեղեկատվական համակարգերի գործակալությունը միջոցառմանը ներակայացնում էր Օգտատերերի փորձառության և ծառայությունների մատուցման բաժնի ղեկավար Հարմիկ Ազարյանը, ով Doing Digital Forum-ի գլխավոր խոսնակներից էր։ Իր ելույթում Հարմիկ Ազարյանը ներկայացրեց, թե ինչու է թվային փոխակերպումը և հատկապես հանրային ծառայությունների թվայնացումը կարևոր դիտարկել օգտատիրոջ փորձառության տեսանկյունից։ Ֆորումի վերջին մասում տեղի ունեցավ մրցանակաբաշխություն, որի ընթացքում մրցանակի արժանացավ նաև Հայաստանի տեղեկատվական համակարգերի գործակալությունը՝ թվային հասարակության ձևավորման գործում իր ունեցած ներդրման համար։