Սրանք այն արժեքներն են, որոնցով առաջնորդվում է ՀՏՀԳ-ն՝ յուրաքանչյուր թիմում և յուրաքանչյուր նախագծում։ Որպես Երիտասարդ մասնագետ՝ դու նույնպես առաջնորդվելու ես այս արժեքներով։
Երիտասարդ մասնագետների ծրագիր
Երիտասարդ մասնագետների ծրագիրը (ԵՄԾ) Հայաստանի տեղեկատվական համակարգերի գործակալության (ՀՏՀԳ) մեկամյա մասնագիտական զարգացման ծրագիր է, որի ընթացքում ուսանողներն ու նորավարտ երիտասարդները միանում են կազմակերպությանը որպես թիմի լիարժեք անդամ և աշխատում ազգային նշանակության թվային նախաձեռնությունների վրա։
Ծրագիրը կառուցված է հստակ սահմանված կարիերայի ուղիների շուրջ։ Յուրաքանչյուր երիտասարդ մասնագետ ընտրում է իր մասնագիտական ուղղությունը և մեկ տարվա ընթացքում անցնում երեք պտույտ՝ նախապես սահմանված երեք թիմերում, որոնք միասին ձևավորում են ընտրված մասնագիտության համար անհրաժեշտ գիտելիքների և հմտությունների շրջանակը։
Աշխատելով տարբեր թիմերում՝ մասնակիցները ներգրավվում են իրական նախագծերում, ստանձնում պատասխանատվություն, համագործակցում բազմամասնագիտական թիմերի հետ և փորձառու մասնագետների կողմից ստանում շարունակական ուղղորդում։
Ծրագրի ավարտին մասնակիցները ձեռք են բերում ոչ միայն նոր գիտելիքներ և փորձ, այլև արժեքներ ստեղծելու, նորարարելու և ազդեցություն ունենալու իրական կարողություն։
Ինչու՞ ընտրել ԵՄԾ-ն
Երիտասարդ մասնագետների ծրագիրը հնարավորություն է տալիս սկսել մասնագիտական ուղիդ՝ ազդեցություն ունենալով Հայաստանի թվային վերափոխման գործում։
- Ունեցի՛ր իրական ազդեցություն. աշխատիր ազգային նշանակության թվային նախաձեռնությունների վրա և մասնակցիր այնպիսի ծառայությունների ստեղծմանը, որոնցից ամեն օր օգտվում են հազարավոր քաղաքացիներ։
- Ձեռք բե՛ր հմտություններ. սովորիր և զարգացրու կարիերայիդ ուղու համար անհրաժեշտ և միջազգայնորեն ճանաչված ու պահանջված հմտություններ։
- Ընդլայնի՛ր մասնագիտական կապերդ. աշխատիր Հայաստանի և աշխարհի առաջատար փորձագետների և կազմակերպությունների հետ՝ ձևավորելով ամուր մասնագիտական կապեր։
- Ձևավորի՛ր առաջնորդի մտածելակերպ. ստանձնիր իրական պատասխանատվություն, նախաձեռնիր փոփոխություններ և սովորիր գաղափարները հասցնել արդյունքի՝ նախաձեռնումից մինչև իրականացում։
Ո՞ւմ ենք փնտրում
Մենք չենք փնտրում տարիների աշխատանքային փորձ կամ խորքային տեխնիկական գիտելիքներ։
Մենք փնտրում ենք մարդկանց, ովքեր՝
- Տեսնում են ամողջական պատկերը. հասկանում են, թե ինչպես է իրենց դերը նպաստում կազմակերպության նպատակների իրականացմանը, ծառայեցնում են իրենց աշխատանքը հանրային և ազգային շահերին։
- Փոխում և կատարելագործում են իրենց և մյուսներին. փնտրում են արդյունավետ փոփոխություններ իրականացնելու հնարավորություններ և առաջարկում են նորարարական գաղափարներ բարելավման համար։ Ձգտում են շարունակական ուսումնառության և զարգացման՝ իրենց, գործընկերների և ամբողջ կազմակերպության համար։
- Առաջնորդում են և ազդեցիկ են. ստեղծում են և ներգրավում մյուսներին ընդհանուր տեսլականի իրականացման գործում։ Հստակորեն և ազնվորեն հաղորդակցում են նպատակը և ուղղությունը՝ ոգեշնչելով մյուսներին։
- Համագործակցում են. ձևավորում են արդյունավետ գործընկերային հարաբերություններ և համագործակցում են ինչպես կազմակերպության ներսում, այնպես էլ շահագրգիռ կողմերի հետ։
- Աշխատում են արդյունավետ. պատասխանատվություն են կրում աշխատանքը ժամանակին և բարձր որակով իրականացնելու համար՝ ցուցաբերելով նպատակասլացություն և հետևողականություն։
Եթե տեսնում ես քեզ այս նկարագրության մեջ, դիմի՛ր ծրագրին։
Ի՞նչ ենք ակնկալում քեզնից
Ինչպե՞ս է ընթանում ծրագիրը․ հայտից մինչև ավարտ
Կարիերայի ուղիներ. ինչպե՞ս ընտրել քո ուղին
Ծրագրի ընթացքում յուրաքանչյուր երիտասարդ մասնագետ ընտրում և հետևում է մեկ կարիերայի ուղու։ Յուրաքանչյուր ուղի զարգացնում է թվային եզակի մասնագիտություն՝ հատուկ ընտրված նախագծերի, մասնագիտական ուղղորդման և ՀՏՀԳ-ի թիմերում իրականացվող պտույտների միջոցով։
Ծանոթացի՛ր ստորև ներկայացված կարիերայի ուղիներին և ընտրի՛ր քո հետաքրքրություններին, ուժեղ կողմերին և մասնագիտական նպատակներին առավել համապատասխանը։
Ծանոթացիր ԵՄԾ շրջանավարտներին
Ծանոթացիր ԵՄԾ-ի շրջանավարտներին, նրանց իրականացրած նախագծերին և ծրագրի ընթացքում ձեռք բերած փորձին։
Ծրագրի կառուցվածքի, իրականացման փուլերի և մեթոդաբանության վերաբերյալ առավել մանրամասն տեղեկատվությունը հասանելի է ԵՄԾ ձեռնարկում.
Հաճախ տրվող հարցեր
Ժամկետներ
Հետաքրքրության հայտերի ընդունում ՝ Սեպտեմբեր
Հայտադիմումների ընդունման սկիզբ՝ Հոկտեմբեր
Ո՞վ կարող է դիմել
Ուսանողներ և նորավարտ երիտասարդներ
Բովանդակություն
- Ծրագրի Մասին
- Ինչու՞ Ընտրել ԵՄԾ-ն
- Ի՞նչ Ենք Ակնկալում Քեզնից
- Ինչպես է Ընթանում Ծրագիրը․ Դիմումից Մինչև Ավարտ
- Մասնագիտական Հնարավորություններ
- Կարիերայի Ուղիներ. Ինչպե՞ս Ընտրել Քո Ուղին
- Ինչպե՞ս Պատրաստվել
- Ծանոթացիր ԵՄԾ Շրջանավարտներին
- Հաճախ տրվող հարցեր
Օգտակար հղումներ