Հայաստանում առաջին անգամ կիբեռանվտանգության կրթության և հետազոտությունների համաշխարհային առաջատարներից Կարնեգի Մելլոն համալսարանը և Հայաստանի տեղեկատվական համակարգերի գործակալությունը կանցկացնեն աշխատարան՝ կրթական և ուսումնական ծրագրերի մշակման թեմայով։ Աշխատարանը նախատեսում է՝ ներկայացնել կրթական միջազգային ստանդարտներ և ուղղություններ, քննարկել կրթական ծրագրերի հիմնական առանձնահատկությունները, ներկայացնել կիբեռանվտանգության ուսուցման ժամանակակից մեթոդներ՝ գործնական դասընթաց, կիբեռ սիմուլյացիաներ, փորձառնական ուսուցում, ծանոթացնել հետազոտական արդի հնարավորությունների հետ: Մասնակցությունը բաց է կրթական բոլոր կառույցների, բուհերի, բարձրագույն ուսումնական և վերապատրաստման հաստատությունների համար։ Հանդիպումը տեղի կունենա հոկտեմբերի 21-ին, ժամը՝ 18։30-ին, ՀՏՀԳ գրասենյակում։ Դիմելու վերջնաժամկետը՝ հոկտեմբերի 20-ն է։ Աշխատարանին մասնակցության հայտը կարող եք լրացնել այստեղ՝ https://lnkd.in/gH_9hi4v Միասին ձևավորենք կիբեռանվտանգության կրթության ապագան՝ համատեղելով համաշխարհային փորձը և հնարավորությունները։

Դեկտեմբեր 5-6,2024

Երևան

Հեռահաղորդակցության միջազգային միությունը (ITU) և Հայաստանի տեղեկատվական համակարգերի գործակալությունը (ՀՏՀԳ), ՀՀ Կենտրոնական բանկի և Բարձր տեխնոլոգիական արդյունաբերության նախարարության աջակցությամբ, հաջողությամբ կազմակերպել է Հայաստանի առաջին ազգային կիբեռ զորավարժությունը: